UMEEN PARADISUA: JOSTAILU AMAITU GABEAK ETA SINPLEAK BEHAR DITUGU

Sarrera

Haurrak etorkizunaren giltzarria dira. Eurek dira biharko egunean, erronka globalei konponbideak aurkitu beharko dietenak. Honetarako, oraindik oso gutxi ulertzen ditugun arlo ezberdinetan gaitasun gizatiarrak izatea eskatzen du. Gaur egungo hezkuntzak, ezagutza tradizionaletik areago doazen ahalmenak hedatu ahal izateko prestatu behar ditu haurrak. Ume batek esperimentatzen dituen bizipenak, ondoren nagusia denean, bere jokatzeko moduan eragina izango du. Umeak bere baitan etorkizunaren hazia babesten du; eta hortik, hezitzaileak umearen barnean bizi den hazia garatu dadin, giro bikaina sortzeko daukan lana.

2007/04/08

JOSTAILU AMAITU GABEAK ETA SINPLEAK BEHAR DITUGU

Gelako bizitzan jolasen eta batez ere kreatibitatearen inguruan hutsune handia nabaritzen dut.Umeek kreatibitate falta handia daukate eta jolasak oso pobreak dira. Nire ustez, naturan bertan aritzea, bertan aurkitutako materialekin (harriak, hostoak, makilak, area, lurra, egur zatiak, fruituak, loreak,...) eta askatasun gehiagorekin jolasteko tarteak izatea egokia izango litzateke; horrela, errealitatea sentitzeko eta ezagutzeko aukera izango zuten eta gauza sinpleekin jolasean arituz kreatibitatea asko landuko zuten, bide batez natura ezagutu eta gure mundua ulertzeko aukera izango zutelarik, gela barruan oso landuak eta umeei aukera gutxi eskaini egiten dien jolasekin horrenbeste denbora igaro beharrean.Ume txikiarentzat mundu imaginarioak, mundu errealak baino errealitate handiagoa izan dezake. Era honetan, egur zati bat zaldi hegalari batean bilakatu daiteke; berriz, xehetasun askorekin eraikitako auto bat ez digu aukera askorik ematen, auto hau ezin izango da inoiz itsasontzi batean bilakatu.